Aa apni zindagi ki har sham teray naam kar doun
teri hi ankhon ka jam teray naam kar doun

main doob jaoun teri in jheel si gehri ankhon mein
phir apni barbadi ka ilzam teray naam kar doun

mein apni Rouh ko teray Wajood mai bhar doun
phir apni zaat apna har payam teray naam kar doun

tu mujhay mohabbat ka aghaz day sanam
mein apnay pyaar ka anjam tere naam kar doun

mohabbato key qaseeday likhoun teri sana mein
hazaron pyaar kay paighaam tere naam kar doun

hou jis ka zikar mohabbat ki har kahani mein
eik aisa pyaar ka paigham tere naam kar doun

---------------------------------------------------------------------------------------







-tujh say milnay ki saza deinge tere sheher kay log
yeh wafaoon ka sila deinge tere sheher kay log

kya khabar thi tere milnay par qayamat hog
mujhe deewana bana deinge tere sheher kay log

teri nazroon say giraanay kay liye jaan-e-hayaa
mujh ko mujrim bhi bana deinge tere sheher kay log

keh kay deewana mujhe mar rahay hain pathar
aur kya is kay siva deinge tere sheher kay log-


-----------------------------------------------------------------

Thanks For Sharing.

Nice

.. Thanks ..